singapor shimaliy koréye bilen bolghan soda munasiwitini üzdi
singaporshimaliy koréyege qoyulghan émbargo seweblik bu dölet bilen bolghan soda munasiwitini üzdi.
türkiye awazi radiyosi xewiri: singapor shimaliy koréye bilen bolghan barliq soda munasiwitini üzüp tashlidi.
singapor tamozhna ishliri idarisi 7-noyabirda soda uyushmliri we tamozhna éghizliri mudirliqigha yolyuruq chüshürüp 8-noyabirdin bashlap shimaliy koréye bilen bolghan barliq soda resmiyetlirining cheklengenlikini uqturdi.
shimaliy koréye bilen bolghan gheyri resmiy soda resmiyetlerdimu birleshken döletler teshkilati teripidin émbargo qoyulghan tawarlarning yoqliqi eskertilgen yolyuruqta, bu xildiki tawarlarning resmiyetliri üchün eng az 3 kün ilgiri iltimas qilish lazimliqi bildürüldi.
nawada bu cheklimige xilapliq qilish hadisisi körülse 100 ming singapor dolliri yaki tawar qimmitining 3 hessisi weyaki 2 yil muddetlik qamaq jazasi bilen jazalandurulidu.
singapor shimaliy koréyening yetinchi chong soda shiriki idi.
amérika xezine ishliri ministirliqi singapordiki ikki shirketning rusiye bilen shimaliy koréye arisida néfit kélishimi hasil qilinishigha waste bolghanliqi sewebidin, bu ikki shirketni émbargo tizimlikige kirgüzgenidi.
