sudanda «xoléra yuqumi» sewebidin ölgenlerning sani köpeydi

türkiye awazi radiyosi xewiri: sudan sehiye ministirliqining bayanatida körsitilishiche, «xoléra yuqumi» sudanning 9 ölkiside tarqalghan we yuqumlanghuchilarning omumiy sani 11 ming 79 gha, «xoléra yuqumi» sewebidin hayatidin ayrilghanlarning sani 348 ge yetken.

5 ölkide pasha chéqish arqiliq tarqilidighan déngé qizitmisi bilen yuqumlinip ikki adem hayatidin ayrilghan.

6-aydin bashlap bu döletke tesir körsitiwatqan qara yamghur we kelkün sewebidin «xoléra yuqumi» tarqilishqa bashlighan. dairiler 12-awghust küni xolérani «yuqumluq késel» dep élan qilghan.

igilinishiche, urush dawamlishiwatqan we sehiye sistémisi toluq ishlimeywatqan sudanda yuqumluq késelliklerning tarqilishi kishilerning turmushini téximu qiyinlashturuwetmekte iken.