makron blinkénni qobul qildi

türkiye awazi radiyosi xewiri: firansiye pirézidénti émmanuél makron paytext parizhdiki pirézidéntliq mehkimisi ishxanisida amérika tashqi ishlar ministiri antoniy blinkénni qobul qildi.

ikki terep söhbet jeryanida, döletlirining rusiye-ukraina urushi munasiwiti bilen ukrainagha bergen yardimini muhakime qildi. makron dölitining ukraina we uning xelqige uzun muddetlik yardem béridighanliqini ipadilidi.

ular yene ottura sherqtiki weziyet, insaniy yardemlerning maslashturulushi we israiliyening hujumliridin kéyin ghezzede némilerning bolidighanliqi toghrisida pikir almashturdi.

ikki rehber yene bir qanche kündin kéyin ötküzülidighan birleshken döletler teshkilati (b d t) omumiy kéngishi yighinining teyyarliq xizmetlirimu toghrisidimu sözleshti.

makron bilen blinkén döletliri arisidiki yéqin hemkarliqni dawamlashturush toghrisida ortaq tonushqa keldi.