yawropa ukrainagha 35 milyard yawro qerz béridu

türkiye awazi radiyosi xewiri: yawropa ittipaqi komitétining reisi ursula fondérléyén ukrainaning paytexti kiyéwni ziyaret qilghanda, éks (X) adrésida uchur hembehrlidi.

u rusiyening ukrainagha qaratqan hujumlirini üzüldürmey dawamlashturuwatqanliqini bayan qilip, ukrainaning yawropa ittipaqining qollishigha mohtaj ikenlikini bildürdi.

u yawropa ittipaqining ukrainaning eslige kélishige töhpe qoshidighanliqini körsitip mundaq dédi: «yawropa ittipaqi komitéti ukrainani G7 wedisi dairiside 35 milyard yawrogha qeder qerz bilen teminleydu.»

G7 dölet rehberliri iyunda (2024) rusiyening tonglitilghan mülkidin érishken paydini kapalet körsitip, ukrainagha 50 milyard dollar qerz bérishke qoshulghan idi.

gherb döletliri ukraina-rusiye urushi (2022) bashlanghandin buyan rusiyening 300 milyard amérika dollirigha yéqin mülkini tonglatti. bu pulning texminen 200 milyard dollarghiche bolghan qismi yawropa ittipaqidiki döletlerde.

tonglitilghan mülüklerge her yili bérilidighan nechche milyard dollar ösümdin kirim qilinidu.

G7 döletliri, bolupmu amérika bu kirimdin paydilinip ukrainani qollashni xalaydu.