баңладиштин панаһлиқ тилигән араканлиқ мусулманларниң сани 400миңдин ашти
хәлқара көчмәнләр тәшкилати баңладиштин панаһлиқ тилигән араканлиқ мусулманларниң саниниң 400миңдин ашқанлиқини уқтурди.
түркийә авази радийоси хәвири: бирмадики зорванлиқ вәқәлиридин қечип баңладиштин панаһланған араканлиқ мусулманларниң сани 421миңға йәтти.
хәлқара көчмәнләр тәшкилати байанатчиси җоел миллмән б д т җәнвә ишханисида мухбирларни күтүвелиш йиғини өткүзүп, мусон йамғурлири вә иссиқ һава астида кокс базар шәһиригә йеқин җайдики мусапирлар лагериға йеңи кәлгән араканлиқ мусапирларниң озуқ-түлүк йетишмәслики вә қаттиқ чарчаш сәвәбидин кесәл болуп кәткәнликлирини ейтти.
мусапирлар лагериниң шараитиниң йахши әмәсликини ейтқан миллмән пакиз су вә башқа турмуш буйумлириниң кәмлики сәвәбидин лагерларда йуқумлуқ кесәлликниң тарқилиш хәвпиниң барлиқиниму әскәртип өтти.
миллмән кокс базар шәһиригә йеқин укһийа вә текфаф районлиридики лагерларда 600миң араканлиқ мусулман мусапир барлиқини вә буларниң үчтә иккисиниң 25-авғусттин кейин районға кәлгәнликини ейтти.
байанатчи миллмән б д т алий комиссарлиқиға тәвә икки лагерда туруватқан панаһлиниватқанларниң бу санниң ичидә әмәсликини билдүрди.
миллмән йәнә көчмәнләр долқиниң астийалайдиғанлиқиға даир һазирчә һәр қандақ бир бишарәтни көрәлмигәнликиниму ейтти.
