әнглийәдә террорлуқ әндишиси ашмақта

түркийә авази радийоси хәвири: әнглийә сақчилири пайтәхт лондонда һәр йил авғуст ейида өткүзүлидиған «Notting Hill» фестивалидин илгири йүзлигән кишини назарәткә алди.

лондон сақчи даирилиридин елан қилинған байанатта, йәкшәнбә күнидин етибарән бу атақлиқ паалийәткә қатнашқучиларниң бихәтәрликини қоғдаш тәдбирлирини йуқири пәллигә чиқириш мәқситидә пайтәхт миқйасида нурғунлиған җайларға бесип керип тәкшүрүш елип берилғанлиқини ейтти.

әнглийә мәсуллири тәкшүрүшләрдә тәхминән 340 кишиниң һәр хил җинайәтләр билән әйиблинип назарәткә елинғанлиқини, 190 кәскүчи әслиһә, 18 қорал вә зәһәрлик чекимлик маддилириниң қолға чүшкәнликини уқтурди.

сақчилар назарәткә елинғанлардин бәзиләрниң кепиллик билән қойуп берилгәнликини бирақ фестивалға қатнишиши мәний қилинғанлиқини ейтти.

әнглийә аманлиқни сақлаш даирилири тәкшүрүш һәрикитидә 100 дин артуқ мәмурниң вәзипә өтәватқанлиқини, тәкшүрүшниң һәптә ахириғичә давамлишидиғанлиқини тәкитлиди вә фестивалда қатнашқучиларниң бихәтәрликини алдинқи орунға қойуватқанлиқини әскәртти.

лондонниң ғәрбидики атақлиқ «Notting Hill» мәһәллисидә һәр йили авғуст ейиниң ахириқи йәкшәнбә күни өткүзүлидиған 2 күнлүк фестивал, йавропа бойичә әң чоң коча йиғилиши болупму һесаблиниду.

алдинқи йилларда тәхминән 5000 сақчи фестивалда вәзипә өтәшкә бәлгиләнгән болуп, бу йил хәлқ зич йәрләрдә террорлуқ һуҗумлириниң йүз бериш еһтималиға қарши нурғун санда пуқрачә кейингән қораллиқ сақчиларниң вәзипигә тәйинлиниши мөлчәрләнмәктә.

әнглийә мәсуллири террорлуқ һуҗуми йүз берип қилиш еһтималиға қарши фестивалда пийадә кишиләр ишлитидиған вә гуруппилар өтидиған җайларғиму қушумчә бихәтәрлик тәдбирлири йолға қойушни пиланлимақта.

фестивалға тәхминән 1 милйон кеши қатнишидиған болуп, алдинқи йили 2 күндә 240 тин артуқ киши қолға елинған вә 4 киши пичақлиқ һуҗумға учриған иди.