гиватемаладики от апитидә 25 қиз оқуғучи көйүп кәтти

түркийә авази радийоси хәвири: оттура америка дөлити гиваатемаланиң пайтәхти гиватемала ситиға йеқин җайдики бир йатақ бинасида от апити йүз берип, 14 йаш билән 17 йаш арисидики 25 қиз оқуғучи һайатидин айрилди, йәнә 25 киши йариланди.

от апитидин хәвәр тапқан йашлар вә оқуғучиларниң аилә – тавабиатлири әндишә ичидә вәқә йүз бәргән җайға сәлдәк ақти.

оқуғучилар йатиқидики қизлар җинсий дәхли – тәрузға учриғанлиқини әскәртип сәйшәнбә күни исйан көтүргәндин кейин, сақчилар вәқәгә мудахилә қилған, у җәрйанда 60 қа йеқин бала қечип кәткәниди.

сақчилар, дәсләпки тәкшүрүшкә асасән, от апитиниң бир гуруппа йашниң йатақ бинасиға қойуп бериши нәтиҗисидә мәйданға кәлгәнликини уқтурди.

мәзкур җайда асаслиқи 18 йаштин төвән зийанкәшликкә учриғучилар, өй – макансиз қалғанлар йаки тәрбийәләш орнидики туруш муддити ахирлашмиған балилар вә йашлар йетип қопатти. нормал шараитта 60 кишилик пиланлинип селинған мәзкур бинада, от апити йүз бәргән әснада 800 кишиниң барлиқи тәхмин қилинмақта.

паҗиәдин кейин дөләт миқйасида үч күнлүк матәм елан қилинди. гиватемаланиң қанун чиқириш оргини болған җумһурийәт қурултийи болса, от апитиниң дәрһал тәкшүрүлүшини тәләп қилди. бир қисим һөкүмәт әмәлдарлириму хелидин буйан мәзкур бинаниң шараитиниң начарлиқини оттуриға қойуп кәлмәктә иди.