доналд трампниң вәдисигә бинаән қанунсиз көчмәнләрни қоғлап чиқириш тезләшмәктә
бәзи аммивий тәшкилатлар вә адвокатлар чеградин тез қоғлап чиқириш бәлгилимисиниң герәклик әдлийә рәсмийәтлирини толуқлимайдиғанлиқи түпәйлидин көчмәнләрниң кишилик һоқуқлири дәпсәндә болуш еһтимали барлиқи һәққидә агаһландурушларда болмақта.
түркийә авази радийоси хәвири: америка пирезиденти доналд трампниң ройхәткә елинмиған көчмәнләрни қоғлап чиқиришқа бәргән вәдиси даирисидә, ички бихәтәрлик министирлиқиниң чеградин қоғлап чиқириш рәсмийәтлирини тезлаштуруш вә техиму көп көчмәнни чеградин тез қоғлап чиқириш үчүн тәклип һазирлиғанлиқи билдүрүлмәктә.
«McClatchy» гезити қолға чүшүргән вә ичи бихәтәрлик министири җон келлий тәрипидин имзаланған 2 ички һөҗҗәткә көрә, «чеградин тез қоғлап чиқириш» бәлгилмисигә киргүзилидиған қанунсиз көчмәнләр саниниң ешип кетиши мөлчәрләнмәктә.
һазирқи мәвҗут бәлгилимигә көрә, чеградин 100 мил ички тәрәптә қолға чүшкән вә америкаға киргинигә 14 күн йаки униңдин көпрәк вақит өткән кишиләр тез сүрәт билән қолға елинип, сот ишлири күтүлмәстин қоғлап чиқирилмиду.
йеңи бәлгилимә болса, бу 14 күнлүк шәртниң 2 йилға чиқирилишини вә чегра ичи мусаписиниңму узартилишини өз ичигә алиду. бу өзгириш билән миңилған қанунусиз көчмәнниң тез сүрәт билән чградин қоғлап чиқириш бәлгилимиси даирисигә киридиғанлиқи қәйт қилинмақта.
җон келлий тәрипидин имзанланған һөҗҗәттә йәнә, кечик чеғидила қанунсиз йоллар билән йалғуз америка киргән өсмүрләрниң ата – анилири кейин америкиға киргән болса, ундақ аилигиму сотта дава ечиш пиланланмақта. һөҗҗәттә билдүрүлишичә, йеқинқи 3 йил ичидә америкиға қанунсиз киргән 155 миң өсмүр қолға чүшкән болуп, буларниң %60 ти дегүдәк кейинчә өз аилилири билән бир йәргә җәм болған. бу хил аилиләр кичик балилириниң америкиға бериши үчүн адәм әткәсчилиригә пул төлигәнлики йүзсидинму тәкшүрүш елип берилидикән.
өзи алди билән америкиға керип кейин аилиси билән бирләшкән бу хил өсмүрләрни чеградин қоғлап чиқириштин қоғдап қалидиған қанун маддилириниңму әмәлдин қалдурулиши пиланланмақта.
барак обама һөкүмити өсмүрләрни чеградин қоғлап чиқиришни тосуп қалидиған қарарларни мақуллиған иди.
мәзкур һөҗҗәтләрниң җон келлий тәрипидин имзалинип алақидар органларға әвәтилгәнлики, рәсмий иҗра қилиниши үчүн техи ақсарайниң тәстиқини алмиғанлиқи билдүрүлмәктә.
бәзи аммивий тәшкилатлар вә көчмәнлик адвокатлири чеградин тез қоғлап чиқириш бәлгилимисиниң герәклик әдлийә рәсмийәтлирини толуқлимайдиғанлиқи түпәйлидин көчмәнләрниң кишилик һоқуқлири дәпсәндә болуш еһтимали барлиқи һәққидә агаһландурушларда болмақта.
пирезидент доналд терампниң қанунсиз көчмәнләргә қарши күрәшкә даир қарарнамилиридин кейин америка таможна вә чегра мудапиә органлири пүтүн дөләт миқйасида нурғунлиған җайларда бесип кирип тәкшүрүшләрдә болған вә миңилған кишини чеградин қоғлап чиқириш үчүн қамаққа алған иди.
