испанийә  таратқулири җумһур рәис әрдоғанниң зийаритигә кәң орун аҗратти

испанийә  таратқулири дөлитимиз (түркийә җумһурийити) җумһур рәиси рәҗәп таййип әрдоғанниң мадрид зийаритигә кәң орун аҗратти.

2152565
испанийә  таратқулири җумһур рәис әрдоғанниң зийаритигә кәң орун аҗратти

түркийә авази радийоси хәвири: испанийәниң дөләтлик радийо-телезийә ширкити (RTVE) җумһур рәис әрдоған билән испанийә баш вәзири педро санчезниң учришишиниң күнтәртипини ғәззә маддаси вә мадридниң пәләстинни етирап қилиш қарари тәшкил қилғанлиқини тәкитлиди.

«‹El Pais› гезити», түркийә билән испанийәниң иқтисадий мунасивәтләрни йәниму тәрәққий қилдурушни нишан қиливатқанлиқини оқурмәнлириниң диққитигә сунди.

«‹ABC› гезити», түркийә җумһурийити  җумһур рәиси рәҗәп таййип әрдоғанниң мадрид зийаритиниң, болупму бу зийарәт даирисидә иқтисадий вә сода дунйасиға мунасивәтлик түрлүк келишимләрниң имзалинишиниң, түркийә – испанийә мунасивәтлириниң йәниму йүксәк сәвийәгә йәткүзүлүшидә түрткилик рол ойнайдиғанлиқини йазди.

мәркизий мадридқа җайлашқан ахбарат вастиси «20 минут» му җумһур рәис рәҗәп таййип әрдоғанниң испанийә зийарити һәққидә мақалә елан қилди.

мақалидә, бу зийарәтниң испанийә үчүн алаһидә әһмийәткә игә икәнлики тәкитләнди, шундақла түркийәниң шәрқий йавропа вә африқадики нопузиниң наһайити күчлүк болуп, испанийәниң бу районларға йүзлинишни нишан қиливатқанлиқи оттуриға қойулди.



مۇناسىۋەتلىك خەۋەرلەر