талибан гөрүгә еливалған пуқраларни қойуп бәрди
талибан афғанистанниң шималидики җүзҗан вилайитидә икки күн бурун тутуп кәткән 52 пуқрани қойуп бәрди.
674858
түркийә авази радийоси хәвири: җүзҗан валий мәһкимиси байанатчиси риза ғафуриниң билдүрүшичә, талибан деһқан – чарвичиларниму өз ичигә алған 52 пуқрани җамаәт әрбаблириниң мурәссәчилик қилиши нәтиҗисидә қойуп бәргән болуп, талибанниң уларни немишқа тутуп кәткәнлики һазирчә ениқ әмәс икән.
талибан болса пуқраларниң земин мәсилиси сәвәбидин җедәл чиққанлиқи үчүн тутуп кетилгәнликини билдүрди.
талибан әзалири буниңдин икки күн илгири чәхл банд вә чари сай районлиридики йәрлирини көрүш үчүн кәткән деһқан – чарвичиларниму өз ичигә алған 52 пуқрани тутуп кәткәниди.
