украина тинчлиқ пиланини йолға қойиду
украина дөләт хәвпсизлик вә мудапиә кеңиши, пирезидент петро порошенко рәһбәрликидә йиғин чақирди
түркийә авази радийоси хәвири: украина тинчлиқ пиланини йолға қойиду.
украина дөләт хәвпсизлик вә мудапиә кеңиши, пирезидент петро порошенко рәһбәрликидә йиғин чақирди.
порошенко, йиғинниң ечилишида сөзлигән нутиқида, луганиск вә донетсик районлиридики өзгиришләр түпәйли җиддий йиғин чақирғанлиқлирини ейтти.
порошенко, түзүп чиқилған тинчлиқ пиланиниң тәпсилати тоғрилиқму музакирә елип берилидиғанлиқини әскәртип, «бүгүн елинидиған қарарларға асасән, тинчлиқ пиланиниң иҗра қилиниш басқучи бәлгиләп чиқилиду, бизму буни бир һәптә ичидә йолға қойушни пиланлаватимиз» деди.
чегра бихәтәрликиниң тамамән ишқа ашурулуши билән уруш тохтитиш нишаниға йәткили нолидиғанлиқини қәйт қилған порошенко, уруш тохтитиш басқучиниң чәклик болидиғанлиқини билдүрди.
порошенко, луганиск вә донетсик районида йашаватқанларниң бихәтәрликини капаләт астиға елишниң әһмийити тоғрилиқму тохталди.
бөлгүнчиләрдин еғир җинайәтләр садир қилмиғанларниң кәчүрүм қилидиғанлиқини тәкитлигән порошенко, тинчлиқ пилани арқилиқ йәрлик һөкүмәтләрниң һоқуқ даирисидә муһим өзгиришләрниң болидиғанлиқини, пилан даирисидә муддәттин бурун сайлам өткүзүлидиғанлиқини қәйт қилди.
порошенко, украина қораллиқ қисимлириниң имкан вә иқтидариниң йәниму йүксәк сәвийәгә йәткүзүлүшигә наһайити зор әһмийәт бериватқанлиқлирини, йеқиндин буйанқи һәрбий һәрикәтләр арқилиқ илгири қолдин кәткән җайларниң контироллуқини қайтидин қайтурувалғанлиқлирини тәкитлиди.
порошенко, баш министир вә парламент башлиқи билән асасий қанунға өзгәртиш киргүзүш мәсилисидә өзара пикир алмаштурғанлиқини әскәртиш билән бир вақитта, мунасивәтлик қанун лайиһәсиниң өзи тәрипидин имзалинип, парламентқа сунулуши вә вәнәдик комитетиға йоллинишини үмид қилидиғанлиқиниму сөзлиригә илавә қилди.
