چین میں ڈوبتے بحری جہاز کا 16 ترکوں سمیت 21 رکنی عملہ بچا لیا گیا
دو بحری جہازوں کے درمیان تصادم کے نتیجے میں اومیگا نامی بحری جہاز ڈوب گیا، جہاز کے عملے میں شامل 16 ترک جہاز رانوں کو بچا لیا گیا ہے: ترکیہ محکمہ جہاز رانی
چین کے شہر شنگھائی کے کھُلے پانیوں میں ایک دوسرے سے ٹکرانے والے 2 بحری جہازوں میں سے ایک سمندر برد ہو گیا ہے۔
ڈوبنے والے بحری جہاز میں ترک ملاح بھی موجود تھے۔
ترکیہ وزارت رسل و رسائل سے منسلک محکمہ جہاز رانی نے جاری کردہ بیان میں کہا ہے کہ "شان ہائے کے کھُلے سمندر میں مارشل کا پرچم بردار 'اومیگا' نامی بحری جہاز 'میرابیلا' نامی بحری جہاز سے ٹکرا گیا ہے۔
تصادم کے نتیجے میں اومیگا بحری جہاز ڈوب گیا ہے ۔ جہاز کے عملے میں 16 ترک جہاز ران بھی شامل تھے۔
لائف بَوٹ کے ذریعے ڈوبتے جہاز کو ترک کرنے والے اور 16 ترکوں پر مشتمل کُل 21 جہاز رانوں کو بچا لیا گیا ہے۔
بیان کے مطابق جہاز رانوں کی صحت سے متعلق پُر اطمینان جواب کے حصول اور ان کی وطن واپسی کے لئے ترکیہ وزارت خارجہ کاروائیاں جاری رکھے ہوئے ہے۔
متعللقہ خبریں
ترکیہ، ماہ جولائی میں قدرتی گیس کے نئے ذخائر کی دریافت متوقع
ترکیہ میں قدرتی گیس کی پیداوار 5 ملین کیوبک میٹر یومیہ تک ہو گئی