صدر ایردوان کی وزیر اعظم عمران خان کے ساتھ ملاقات

ترکی کے صدر رجب طیب ایردوان نے پاکستان کے وزیر اعظم عمران خان کے ساتھ ٹیلی فونک ملاقات کی۔

صدارتی دفتر  محکمہ مواصلات کی طرف سے جاری کئے گئے بیان کے مطابق پاکستان کے وزیر اعظم عمران خان نے ازمیر میں  زلزلے کی وجہ سے صدر رجب طیب ایردوان کے ساتھ ٹیلی فون پر ملاقات کی اور زلزلے کی آفت پر افسوس کا اور اس مشکل گھڑی میں باہمی اتحاد و اخوّت کے جذبات کا اظہار کیاہے۔

صدر ایردوان نے بھی وزیر اعظم خان کا شکریہ ادا کیا اور گذشتہ ہفتے پشاور میں ہونے والے دہشت گردی کے حملے پر ایک دفعہ پھراظہارِ  تعزیت کیا ہے۔

واضح رہے کہ 27 اکتوبر کو پاکستان کے شہر پشاور میں ایک مدرسے میں دیسی ساختہ بم دھماکے کے نتیجے میں 7 طالبعلم ہلاک اور زیادہ تر بچوں سمیت 70 افراد زخمی ہو گئے تھے۔