شمالی قبرصی ترک جمہوریہ کے صدر کا دورہ جرمنی
میں اسوقت بڑی توقعات پیدا کرنے کے حق میں نہیں ہوں، ہم ایک واضح ایجنڈے کے ساتھ جا رہے ہیں
شمالی قبرصی ترک جمہوریہ کے صدر مصطفی آکنجی کا کہنا ہے کہ وہ جرمنی کے دارالحکومت برلن میں اقوام متحدہ کے سیکرٹری جنرل آنتونیو گوٹرس اور قبرصی یونانی انتظامیہ کے لیڈر نکوس آناستاسدیاس سے ہونے وا لی سہہ رکنی اجلاس میں ایک واضح ایجنڈے پر مبنی روڈ میپ کا تعین کرنے کے زیر مقصد شرکت کر رہے ہیں۔
ترک ایجنسی قبرص کی خبر کے مطابق صدر آکنجی نے برلن روانگی سے پیشتر ایرجان ہوائی اڈے پر بعض بیانات دیے۔
ان کا کہنا تھا کہ وہ اسوقت مسئلے کے حل کی راہ میں جاری کوششوں کے کس سطح پر ہونے کا مل جل کر تعین کرنے، اب کے بعد کے لائحہ عمل تعین کرنے اور کسی نئے روڈ میپ کے خطوط کھینچنے کی غرض سے برلن کا دورہ کر رہے ہیں۔
برلن اجلاس سے خوش آئند نتائج سامنے آنے کی تمنا کااظہار کرتے ہوئے آکنجی نے بتایا کہ "میں اسوقت بڑی توقعات پیدا کرنے کے حق میں نہیں ہوں، ہم ایک واضح ایجنڈے کے ساتھ جا رہے ہیں۔ ہمارے پائیداری موققف کا تحفظ کرتے ہوئے پر استحکام طریقے سے امن و امان کے قیام اور حل تلاش کرنے کی راہ میں پیش قدمی حاصل کرنے کی امید رکھتے ہیں اس حوالے سے سیکرٹری جنرل کا کردار اہم ہو گا۔ "