"امریکہ کے اقدام سے کوئی فرق نہیں پڑتا"القدس فلسطینیوں کا ہے:ایردوان

صدر رجب طیب ایردوان   نے  امریکی سفارت خانہ   القدس منتقل کرنے پر   کہا ہے کہ  اس سےکوئی فرق نہیں پڑتا کیونکہ  مسلم  امہ جانتی ہے  کہ القدس شہر فلسطین کا صدر  مقام  ہے ۔

لندن  میں  موجود صدر ایردوان نے  ترک این  وقف  سے منسوب  طلبا٫ سے ملاقات کے دوران اس بات کا اظہار کیا ۔

 انہوں نے کہا کہ ہم اسی  اجداد  عثمانیہ کی اولاد ہیں جن   کا جھنڈا 6 صدیوں تک  3 براعظموں   پر لہراتا  رہا   اور جس نے ہمیشہ  مظلوم    کا ساتھ دیا ۔

صدر ایردوان نے  مزید کہا کہ  امریکہ بہادر    القدس میں اپنا سفارت خانہ منتقل  کرتےہوئے اُسے اسرائیل کا دارالحکومت قرار دینا چاہتاہے   "ہماری بلا سے کرتا رہے " اقوام متحدہ    کے 128 ارکان نے اس  امریکی اقدام کی  مخالفت کی  اور جو باقی بچے  اُن کو امریکی امداد  کی لالچ دیتےہوئے اپنے حق میں استعمال کرلیا ۔ میں  ان سے کہتاہوں کہ آپ جو چاہے کر لیں مسلم امہ جانتی ہے کہ   مشرقی القدس فلسطین کا صدر مقام  تھا اور ہے ۔" ہم وہ نہیں  جو  مال و زر کی لالچ میں   بنی نوع انسان کے درمیان نفاق ڈالنے میں مصروف  رہے  "۔