ترک مسلح افواج کے آپریشنز میں 8 دہشت گرد ہلاک
سرحدی قوتوں نے گزشتہ ہفتے 7 ہزار 127 غیر قانونی تارکین وطن کو سرحد پار کرتے وقت حراست میں لیا
969160
![ترک مسلح افواج کے آپریشنز میں 8 دہشت گرد ہلاک](http://cdn.trt.net.tr/images/xlarge/rectangle/00e3/268b/b78d/595222db18391.jpg?time=1718863049)
علیحدگی پسند دہشت گرد تنظیم PKK کے خلاف جدوجہد کے دائرہ کار میں آپریشنز میں 8 دہشتگرد مارے گئے۔
ترک مسلح افواج کے ہیڈکوارٹر کی جانب سے جاری کردہ اعلامیہ کے مطابق ترک فوج نے 6 تا 11 مئی PKK کے ٹھکانوں اور گزرگاہ کے طور پر استعمال کردہ دیاربکر اور شمالی عراق میں کاروائیاں کیں۔
ایک سرغنہ سمیت مجموعی طور پر 8 دہشت گردوں کےہلاک ہونے والے ان آپریشنز میں 14 عدد دستی ساخت کے بموں سمیت 8 مسلح ٹھکانوں اور پناہ گاہوں کو بھی تباہ کر دیا گیا ہے۔
اس دوران ایک ترک فوجی جام شہادت نو ش کر گیا۔
دوسری جانب سرحدی قوتوں نے گزشتہ ہفتے 7 ہزار 127 غیر قانونی تارکین وطن کو سرحد پار کرتے وقت حراست میں لیا ہے۔
علاوہ ازیں اسمگلنگ کی کئی کوششیں بھی ناکام بنا دی گئی ہیں۔