ترکی نیٹو کی جنوبی سرحدوں کا تحفظ کر رہا ہے، ترک وزیر اعظم

وزیر  اعظم بن علی یلدرم   کا کہنا ہے کہ ترکی نے  نیٹو کی جنوبی سرحدوں کا تحفظ کر رکھا ہے۔

جناب یلدرم نے  جرمن خبر ایجنسی   سے انٹرویو میں کہا ہے کہ ترک مسلح افواج عفرین میں شاخِ زیتون آپریشن  میں"لیوپارڈ ۔ٹو" قسم کے جرمن  ٹینکوں کو استعمال کر رہی ہے۔

انہوں نے بتایا کہ جرمن  ٹینکوں کا شام کی کاروائی میں استعمال  کیا جانا قانونی  اعتبار سے کوئی مسئلہ تشکیل نہیں دیتا،  یہ فطری بات ہے کہ ہم انہیں بروئے کار لائیں گے، کیونکہ ہر ملک اپنی زمینی سالمیت کے تحفظ کی خاطر اسلحہ خریدتا ہے۔

ترک وزیر اعظم  نے جرمن  چانسلر انگیلا مرکل اور وزیر خارجہ  سیگمار گیبریئل  کی جانب سے  عفرین کاروائی کے آغاز کے بعد ترکی کو فراہم  کردہ ٹینکوں کی تجدید  کیے  جانے کے اعلانات  کے حوالے سے کہا کہ "ہم  اس معاملے میں لا چار نہیں ہیں، اگر جرمنی   نے  اس نظام کو دے دیا تو  خوب،   وگرنہ ہمارے پاس ہمیشہ  متبادل موجود ہوتا ہے۔ ہم  اس کی تجدید خود بھی کر سکتے ہیں۔"

انہوں نے بتایا کہ جرمنی کی طرف سے  ترکی میں تیار کیے جانے کی منصوبہ بندی کردہ "آلتائے" ٹینکوں  کی تیاری میں  شراکت داری   کی بھی پیش کی گئی ہے ، یہ  تعاون دونوں  فریقین کے لیے فائدہ مند ثابت ہو گا۔  حتیٰ اس سے جرمنی کو زیادہ فائدہ پہنچے گا  کیونکہ مشینیں  اسی ملک سے آتی ہیں۔ زیادہ  سادہ پرزہ جات  ترکی میں تیار کیے جا رہے ہیں۔"

یلدرم  نے بتایا کہ "ہم نیٹو کے رکن ہیں، جرمنی  بھی نیٹو کا رکن ہے۔ ہم  خطے میں نیٹو کی سرحدوں کا تحفظ کر رہے ہیں۔