یورپ نے اپنے دہرے چہرے اور دہرے معیار کو بے نقاب کیا ہے
یورپی تحفظ کی سالمیت اور دہشت گرد تنظیموں کے خلاف بلا تردد تعاون کی اہمیت کو جاننے سے عاری ایک شخص کا یورپی پارلیمان کے رپورٹر کے طور پر کام کرنا باعثِ افسوس ہے
![یورپ نے اپنے دہرے چہرے اور دہرے معیار کو بے نقاب کیا ہے](http://cdn.trt.net.tr/images/xlarge/rectangle/7707/e49d/9e96/5a6adca414ce1.jpg?time=1718836702)
انقرہ نے یورپی پارلیمان کے رپورٹر برائے ترکی پیری کے بیانات کہ "PKK یورپ کے لیے خطرہ نہیں ہے" پر رد عمل کا مظاہرہ کیا ہے۔
وزارت خارجہ کے ترجمان حامی آکسوئے نے کاتی پیری کے اعلانات کا جواب دیتے ہوئے کہا ہے کہ "یورپی تحفظ کی سالمیت اور دہشت گرد تنظیموں کے خلاف بلا تردد تعاون کی اہمیت کو جاننے سے عاری ایک شخص کا یورپی پارلیمان کے رپورٹر کے طور پر کام کرنا باعثِ افسوس ہے۔ ترکی کے لیے سب سے بڑا خطرہ تشکیل دینے والی دہشت گرد تنظیموں میں سے ایک کو خطرے کی نگاہ سے نہ دیکھنے والے ایک شخص کا ہمارے ملک کے رپورٹر کے طور پر کام کرنا ایک ناقابل قبول امر ہے۔"
ترجمان آکسوئے نے پیری کے بیانات کا تحریری جواب دیتے ہوئے کہا ہے کہ پیری کے الفاظ کہ "PKK یورپ کے لیے خطرہ نہیں" در اصل خطہ یورپ کے دہرے معیار اور دہرے چہرے کو بے نقاب کرتے ہیں۔