ترک شہریوں پر امریکی ویزے کی پابندی پر وزیر اعظم کے سخت بیانات
وزیر اعظم بن علی یلدرم کا کہنا ہے کہ امریکہ کی اس حرکت کا منہ توڑ جواب دیا جائیگا
![ترک شہریوں پر امریکی ویزے کی پابندی پر وزیر اعظم کے سخت بیانات](http://cdn.trt.net.tr/images/xlarge/rectangle/69c7/925a/a1cf/59a7fcfccca71.jpg?time=1718830739)
وزیر اعظم بن علی یلدرم نے امریکہ کی جانب سے ترک شہریوں کے لیے ویزے کے اجراء کو التوا میں ڈالنے کے فیصلے پر جواب دیتے ہوئے کہا ہے کہ" ہم ا س حرکت کا منہ توڑ جواب دیں گے۔"
قومی اسمبلی میں پارٹی کے پارلیمانی گروپ سے خطاب میں وزیر اعظم نے اس بات کی یاد دہانی کرائی کہ کہ امریکہ نے گزشتہ اختتام الہفتہ اتحادی تعلقات کے ساتھ ہم آہنگ نہ ہونے والے ایک فیصلے کے ساتھ ترک شہریوں پر ویزے کے اجراء کی پابندی لگائی ہے ۔ امریکہ کا اس حوالے سے مختلف جوابات کے ساتھ سیکورٹی کا بہانہ کرنا حد درجے افسوس دہ امر ہے۔
ترکی کے ایک قانونی مملکت ہونے اور 15 جولائی سن 2016 کے بغاوتی اقدام کی مرتکب دہشت گرد تنظیم فیتو کے خلاف عدالتی کاروائیاں جاری ہونے پر زور دینے والے وزیر اعظم نے کہا کہ فیتو تحقیقات کے دائرہ کار میں امریکی سفارتی دفاتر میں ملازم بعض افراد کے خلاف قانونی کاروائی سے امریکہ کو بے چینی محسوس نہیں کرنی چاہیے۔
انہوں نے مزید کہا کہ اگر کوئی ملزم یا مجرم امریکی مشنری دفاتر میں کام کرتا ہے تو کیا اس کو مراعات دینی چاہیے۔ یعنی کیا ہم محترمی و مکرمی سے اجازت حاصل کریں گے؟ ایک ملک کے وزیر کے جنرل منیجر کو اس ملک میں جانے پر بلا کسی تردد کے جیل میں بند کر دیا جاتا ہے کیا اس کے لیے انہوں نے ہم سے اجازت لی تھی۔