ترک مسلح افواج کی شمالی شام میں کاروائیاں
ترک فوج نے الا باب اور بزگاہ علاقوں میں داعش کے 215 اہداف کو فضا اور خشکی سے نشانہ بنایا
660933
ترک مسلح افواج کی شام کے الا باب اور بزگاہ علاقوں میں کاروائیوں میں داعش کے 14 دہشت گرد ہلاک ہو گئے۔
مسلح افواج کے ہیڈ کوارٹر کی جانب سے جاری کردہ اعلامیہ کے مطابق داعش اور دیگر دہشت گرد تنظیموں کے خطرات کو دور کرتے ہوئے سرحدی تحفظ میں اضافے اور اتحادی قوتوں سے تعاون کے زیر مقصد شمالی شام میں 24 اگست سن 2016 کو شروع ہونے والا فرات ڈھال آپریشن جاری ہے۔
ترک فوج نے الا باب اور بزگاہ علاقوں میں داعش کے 215 اہداف کو فضا اور خشکی سے نشانہ بنایا۔
جرابلس میں 21 جنوری کو حملے کی تیاری میں ہونے والی بم لادی گئی دو گاڑیاں قبضے میں لے لی گئیں۔
دوسری جانب ترک فوج کے اندرون ملک دہشت گردی کے خلاف آپریشنز بھی جاری ہیں، گزشتہ ایک ہفتے کے اندر PKK کے 12 دہشت گرد مارے گئے جبکہ ان کے 62 ٹھکانے تباہ کر دیے گئے۔