ترک جنگی طیاروں کی شام کے شمالی علاقے پر بمباری ،17 دہشت گرد ہلاک

ترک مسلح افواج نے شام کے شمالی علاقے کو دہشت گرد تنظیم داعش سے پاک کرنے کے لیے شروع کردہ کاروائیوں کے دائرہ کار میں 17 دہشت گردوں کو ہلاک کر  دیا ہے ۔

ترک مسلح افواج کی جانب سے جاری اعلان میں بتایا گیا ہے کہ داعش اور دیگر دہشت گرد تنظیموں سے لاحق سرحدی خطرات کو دور کرنے  اور مخلوط قوتوں  کی حمایت کی غرض سے شام کے شمالی علاقے میں 24 اگست سے شروع کردہ فرات ڈھال کاروائی پوری شدت کیساتھ جاری ہے ۔ کاروائی کے 148 ویں روز داعش کے 137 ٹھکانوں پر  بمباری کی گئی ہے ۔

 مسلح افواج کے جنگی طیاروں اور مسلح ڈرون طیاروں نے الباب اور صفلانیہ کے 8 اہداف پر بمباری  کرتے ہوئے دہشت گردوں کی 8 پناہ گاہوں ،ہیڈ کوارٹر کی عمارت اور بموں سے لدی ہوئی ایک  گاڑی کو  تباہ کر دیا ہے ۔  کاروائی کے آغاز سے لیکر ابتک 2945 دستی آتش گیر مادے اور 43 بارودی سرنگوں کو ناکارہ بنایا جا چکا ہے ۔