وزیر اعظم بن علی یلدرم کی ایران کے اوّل نائب صدر اسحاق جہانگیری کیساتھ ٹیلیفونک ملاقات

وزیر اعظم بن علی یلدرم نے ایران کے اوّل نائب صدر اسحاق جہانگیری کیساتھ ٹیلیفون پر بات چیت کی ہے ۔

 بات چیت کے دوران دو طرفہ تعلقات اور خاصکر شام اور حلب کی صورتحال  اور علاقائی مسائل پر تبادلہ خیال کیا گیا ۔ وزیر اعظم بن علی یلدرم نے کہا کہ حلب سے شہریوں کا انخلاء شروع ہو گیا ہے  لیکن ان پر حملے  کرتے ہوئے شہر سے انخلاء کے عمل کو  روکنے کی کوشش کی جا رہی ہے ۔انھوں نے کہا کہ   حلب کی صورتحال انتہائی تشویشناک ہے    لہذا شہر سے انخلاء کے عمل کو   محفوظ بنایا جائے  اور انسانی امداد کو علاقے تک پہنچانے کی مدد کی جائے    ۔ ترکی اس معاملے میں ہر ممکنہ امداد کے لیے تیار ہے ۔