ترکی اوریوکرین کا دفاعی شعبوں میں تعاون بڑھانے پر اتفاق

ترکی  اور یوکرین  کے درمیان فوجی تعاون  کے سلسلے میں   وزارت دفاع کے مشیر  اسماعیل دیمیر  اور ان کے ہمراہ وفد نے  کیئف میں  یوکرین  کی  سلامتی و دفاعی کونسل کے سیکریٹری  الیکسینڈر  تورچینوف سے ملاقات کی ۔

  ملاقات کے دوران  تورچینوف  نے  یوکرین اور ترکی کے درمیان   فوج کے تکنیکی شعبوں میں  تعاون کےلیے  قائم کمیشن کی کارکردگی   بڑھانے کی ضرورت پر زور دیا اور کہا کہ  اس سلسلے میں  ایک بکتر بند گاڑی،راکٹ اور طیاروں  کی  تیاری جیسے اہم منصوبوں پر کام  ہو رہا ہے۔

 اس موقع  پر  ترک مشیر اسماعیل دیمیر نے بھی  کہا  کہ  ترکی اور یوکرین کے درمیان دفاعی  تعاون  بڑھنا چاہیئے  جس کےلیے مشترکہ منصوبوں پر عمل درآمد ضروری ہے۔