ترکی میں جمہوری نظام کی حمایت پر یونان کا شکریہ

وزیر خارجہ   میولود چاوش  اولو    نے یونان     کی جانب سے    دہشت گرد تنظیم  فیتو   کی     بغاوت کی کوشش کے دوران ترکی میں  جمہوری نظام کی حمایت  پر اس ملک کا شکریہ ادا کیا ہے۔

چاوش اولو نے  بغاوت کی کوشش کے بعد  خطہ یورپ  میں اپنا پہلا دورہ یونان  کا  کیا ہے۔

یونانی  ہم منصب   نکوس  کو کوسیاس   کی دعوت  پر  جزیرہ کریٹ کو تشریف لیجانے والے   چاوش اولو نے         یہاں پر  ہونے والے غیر رسمی مذاکرات میں    خطے کی  پیش    رفت اور دو طرفہ   تعلقات  پر غور کیا ۔

اس دوران ترکی میں  جمہوریت   کے حق میں   یونان  کے مؤقف  پر ترک عوام  کی خوشنودی پر زور دینے والے چاوش اولو نے   کہا کہ ترکی    میں    پیش آنے والے   خطرے  کو  یورپی مملکتوں میں   یونان اور یونانی عوام سے  زیادہ  اچھی   طرح کوئی نہیں  جان سکتا۔

جزیرہ قبرص میں  جاری    سلسلہ مذاکرات کا بھی ذکر کرنے والے ترک وزیر کا کہنا تھا  کہ  "مسئلے کے حل  کی راہ میں ہونے والی  کوششوں کی  ہم   حمایت کرتے   ہیں۔"

یونانی  وزیر    نے بھی اس موقع پر بتایا کہ  چاوش اولو سے ملاقات  دونوں  ملکوں  سمیت   خطے کے   لیے بھی اہمیت رکھتی ہے۔

یونان میں پناہ لینے والے  باغی  فوجیوں کا بھی ذکر کرنے والے  کوسیاس  نے   بتایا کہ  ان  مفرور فوجیوں کے بغاوت کی کوشش میں کس سطح پر ملوث ہونے کا تعین کیے جانے    کے بعد  یونانی   عدالتیں  ، ملکی اور یورپی یونین  کے قوانین کے  مطابق  کسی  فیصلے تک پہنچیں   گی۔

توقع ہے کہ یونان  فرار  ہونے والے  8  ترک فوجیوں کے بیانات  دو روز   کے اندر  لے لیے  جائینگے۔