ترک سربراہان کے رد عمل کا سلسلہ جاری
ترک سربراہان کے رد عمل کا سلسلہ جاری
![ترک سربراہان کے رد عمل کا سلسلہ جاری](http://cdn.trt.net.tr/images/xlarge/rectangle/ae96/ee66/2322/56ed5aaf64a1b.jpg?time=1718863439)
نائب وزیر اعظم نعمان قرتولمش کا کہنا ہے کہ ترکی دہشت گردی کا عادی نہیں بنے گا اور نہ ہی یہ پیچھے قدم ہٹائے گا۔
انہوں نے ضلع اوردو میں بیان جاری کرتے ہوئے بے اولو میں دہشت گرد حملے پر لعنت و ملامت بھیجتے ہوئے کہا ہم دہشت گردوں کے عزائم کو پورا کرنے کی ہر گز اجازت نہیں دیں گے۔
ہماری قوم ہر گز دہشت گردوں کے سامنے گھٹنے نہیں ٹیکے گی۔ ہم سب روز محشر تک امن و امان کے ماحول میں اس سر زمین پر اپنی زندگیاں جاری رکھیں گے۔
نائب وزیر اعظم کا کہنا تھا کہ " دہشت گردی کے خلاف جدوجہد ایک قومی ذمہ داری ہے، ہمیں اس کے خلاف ہمیشہ ڈٹ کر مقابلہ کرنا ہو گا۔اس دوران ہم کسی تردد اور تذبذب کا مظاہرہ نہیں کریں گے۔
استنبول میں موجود صدر ترکی نے وزیر اعظم داود اولو سے حملے کے بارے میں آگاہی حاصل کی۔ داود اولو نے بھی وزراء کے ہمراہ صورتحال کا جائزہ لیا۔تا ہم اس اجلاس کے بعد کوئی اعلان جاری نہیں کیا گیا۔