انسان دوستی ہمارے ترک تشخص کی عکاس ہے: چاوش اولو
وزیر خارجہ مولود چاوش اولو نے کہا ہے کہ شام، صومالیہ اور میانمار کی فاقہ کش اور مصائب میں گھری عوام کی مدد کرنے میں اگر ترکی بھی ہاتھ نہ بڑھائے تو یہ ہمارے ترک تشخص ، انسانی جذبات اور دین اسلام کی تعلیمات کے خلاف ہے
261753
وزیر خارجہ مولود چاوش اولو نے بتایا ہے کہ شام کی خانہ جنگی سے فرار ہونے والے دو ملین شامی مہاجرین اس وقت ترکی میں موجود ہیں۔
ضلع انطالیہ میں منعقدہ ایک تقریب میں شریک چاوش اولو نے بتایا کہ ان پناہ گزینوں کی دیکھ بھال کےلیے حکومتی بجٹ پر 6 بلین ڈالر کا بوجھ پڑا ہے۔
انہوں نے مزید کہا کہ صومالیہ اور میانمار کی فاقہ کش اور مصائب میں گھری عوام کی مدد کرنے میں اگر ترکی بھی ہاتھ نہ بڑھائے تو یہ ہمارے ترک تشخص ، انسانی جذبات اور دین اسلام کی تعلیمات کے خلاف ہے۔
