ایرانی ہیکرز نے اسرائیل کے ایک انجنیئرنگ انسٹیٹوٹ کے کمپیوٹر سسٹمز کو ہیک کیا ہے، اسرائیل

اسرائیل نے تقریباً ایک ماہ قبل ملک کے سب سے بڑے انسٹی ٹیوٹ میں سے ایک پر سائبر حملے کا الزام ایران پر عائد کیا  ہے۔

اسرائیل براڈکاسٹنگ کارپوریشن کی نیشنل سائبر سیکیورٹی ایڈمنسٹریشن  نے اپنے ایک تحریری بیان میں کہا ہے کہ ’مڈی واٹر‘ نامی ایک ایرانی ہیکر گروپ نے حیفا میں ٹیکنین انسٹی ٹیوٹ آف اپلائیڈ انجینئرنگ پر سائبر حملہ کیا  ہے۔

بیان میں کہا گیا کہ اس گروپ نے تحقیقات کے دائرہ کار میں آپریٹنگ سسٹم   میں مداخلت  کرنے کے لیے بنائے گئے بدنیتی پر مبنی پروگرامز کا استعمال کیا، اور یہ بھی  کہا گیا ہے کہ اس گروپ  کی جانب سے دنیا بھر میں کئی سائبر حملوں کے ذمہ دار ہونے کا بھی شبہہ  پایا جاتا  ہے۔

اس بات کی یاد دہانی کرائی گئی ہے  کہ امریکہ اور برطانیہ نے تقریباً ایک سال قبل ایک مشترکہ  میں کہا تھا کہ ’مڈی واٹر‘ نامی یہ گروپ ایرانی انٹیلی جنس کا رکن ہے اور اس نے ایشیا، افریقہ اور شمالی امریکا میں سائبر حملے کیے   ہیں۔

اعلامیہ میں یہ بھی واضح کیا گیا ہے کہ مذکورہ گروپ "ہر برس ماہ رمضان کی آمد کے ساتھ اسرائیل کے متعدد الیکڑونک سسٹمز پر سائبر حملوں کا مرتکب ہوتا ہے۔"

ایرانی عہدیداروں سے  اسرائیل کے ان الزامات کے حوالے سے تا حال کوئی بیان جاری نہیں کیا۔

اسرائیلی براڈکاسٹنگ کارپوریشن نے 11 فروری کو اعلان کیا  تھا کہ ٹیکنین انسٹی ٹیوٹ آف اپلائیڈ انجینئرنگ، جو اسرائیل کے سب سے بڑے اداروں میں سے ایک ہے، کو بڑے پیمانے پر سائبر حملے کا نشانہ بنایا گیا ہے۔ لہذا اس نے  اساتذہ  اور طلباء  کو ہدایت کی تھی کہ وہ اپنے کمپیوٹرز کے پلگ کو نکال دیں۔

ماہرین نے کہاتھا  کہ اس حملے سے  بھاری  نقصان  پہنچا ہے  اور ہیکرز نے ہیک کردہ  فائلوں کے بدلے تاوان کا مطالبہ کیا ہے۔