بھارت میں زیکا وائرس پھیلنے لگا،89 افراد متاثر

کورونا وائرس کے بعد بھارت میں ایک اور وائرس سر اٹھانے لگا ہے ۔

بھارتی ریاست اتر پردیش کے شہر کانپور میں 89 افراد میں زکا وائرس کی تصدیق ہوئی ہے جن میں 17 بچے بھی شامل ہیں۔

خبر کے مطابق، زکا وائرس دیگر بھارتی ریاستوں میں پھیل  چکا ہے، لیکن اتر پردیش میں یہ پہلی بار اس تیزی سے پھیل رہا ہے جہاں زکا وائرس کا پہلا واقعہ 23 اکتوبر کو رپورٹ ہوا تھا۔

محکمہ صحت کے افسر نیپال سنگھ کا کہنا ہے کہ ہم گھر گھر جا کر تجزیات کے لیے نمونے لے رہے ہیں۔

ڈاکٹرز کا کہنا ہے کہ اہم تشویش حاملہ خواتین اور ان کے بچوں کے لیے ہے جو "مائیکرو سیفلی" کے ساتھ پیدا ہوئے ہیں، جس کی وجہ سے دماغ مکمل نشو نما نہیں پا سکتا اور نا مکمل رہ جاتا ہے۔

 اس بیماری کی علامات سنگین نہیں ہیں یہ بظاہر عام نزلہ زکام کی طرح لگتا ہے۔

زِکا نامی یہ وائرس ايڈيز جیپٹی مچھر کے کاٹنے سے جسم میں منتقل ہوتا ہے جو کہ ایک مچھر کی وجہ سے ڈینگی بخار اور چکنگنیا  نامی بیماری بھی پھیلتی ہے جس کے سنگین نتائج میں مفلوج ہونا بھی ہے۔