عالمی وبا: دنیا بھر میں اموات کی تعداد 16لاکھ 28 ہزار ہو گئی

دنیا بھر میں کورونا وائرس سے متاثرہ افراد کی تعداد 7 کروڑ 31 لاکھ 93 ہزار 427 تک جا پہنچی ہے جبکہ اس موذی وائرس سے ہلاکتیں 16 لاکھ 27 ہزار 980 ہو گئیں جبکہ 5 کروڑ 13 لاکھ 26 ہزار 489 کورونا مریض صحت یاب ہو چکے ہیں۔

کورونا وائرس کےمریضوں اور اس سے اموات کے اعتبار سے امریکہ پہلے نمبر پر ہے جہاں اس وائرس سے اب تک 3 لاکھ 8 ہزار 89 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 1 کروڑ 69 لاکھ 42 ہزار 822 ہو چکی ہے۔

کورونا وائرس کے مریضوں کی تعداد کے حوالے سے ممالک کی فہرست میں برازیل   بھی ہے جہاں یہ جان لیوا وائرس 1 لاکھ 81 ہزار 945 زندگیاں نگِل چکا ہے جبکہ کورونا مریضوں کی تعداد 69 لاکھ 29 ہزار 409تک جا پہنچی ہے۔

کورونا وائرس سے روس میں کل اموات 47 ہزار 391 ہو گئیں جبکہ اس کے مریضوں کی تعداد 26 لاکھ 81 ہزار 256 ہو چکی ہے۔

فرانس میں کورونا وائرس کی وباء سے مجموعی اموات 58 ہزار 282 ہو چکی ہیں، جہاں اس کے اب تک کل متاثرین 23 لاکھ 79 ہزار 915 رپورٹ ہوئے ہیں۔

برطانیہ میں کورونا وائرس کے مریضوں اور اس سے اموات دوبارہ تیزی سے بڑھنے لگی ہیں، یہاں اس سے اموات 64 ہزار 402 تک جا پہنچی ہیں جبکہ کورونا وائرس مریض 18 لاکھ 69 ہزار 666 ہو چکے ہیں۔

اٹلی میں کورونا وائرس سے کُل اموات کی تعداد 65 ہزار 11 ہو گئی جبکہ اس کے کل متاثرین 18 لاکھ 55 ہزار 737 ہو گئے۔

اسپین میں کورونا وائرس کی وباء سے اموات 48 ہزار 13 ہو گئیں جبکہ اب تک اس کے 17لاکھ 62 ہزار 36 مصدقہ متاثرین سامنے آئے ہیں۔

ارجنٹینا اس فہرست میں 10 ویں نمبر پر آگیا ہے جہاں کورونا وائرس 41 ہزار 41 زندگیاں نگِل چکا ہے، جبکہ اب تک اس کے 15 لاکھ 3 ہزار 222 واقعات رپورٹ ہوئے ہیں۔