عالمی وبا سے دنیا بھر میں اموات کی تعداد ساڑھے 15لاکھ سے بڑھ گئی

دنیا بھر میں کورونا وائرس سے متاثرہ افراد کی تعداد 6 کروڑ 79 لاکھ 38 ہزار 995 تک جا پہنچی ہے جبکہ اس موذی وائرس سے ہلاکتیں 15 لاکھ 50 ہزار263 ہو گئیں جبکہ 4 کروڑ 70 لاکھ 23 ہزار 575 کورونا مریض صحت یاب ہو چکے ہیں۔

کورونا وائرس کے متاثرین اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکہ ہے جہاں اس وائرس سے اب تک 2 لاکھ 90 ہزار 443 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 1 کروڑ 53 لاکھ 69 ہزار 46 ہو چکی ہے۔

کورونا وائرس کے مریضوں کی تعداد کے حوالے سے ممالک کی اس فہرست میں برازیل تیسرے نمبر پر ہے جہاں یہ جان لیوا وائرس 1 لاکھ 77 ہزار 388 زندگیاں نگِل چکا ہے جبکہ کورونا مریضوں کی تعداد 66 لاکھ 28 ہزار 65 تک جا پہنچی ہے۔

کورونا وائرس سے روس میں کل اموات 43 ہزار 597 ہو گئیں جبکہ اس کے مریضوں کی تعداد 24 لاکھ 88 ہزار 912 ہو چکی ہے۔

فرانس میں کورونا وائرس کی وباء سے مجموعی اموات 55 ہزار 521 ہو چکی ہیں، جہاں اس کے اب تک کل مریض 22 لاکھ 95 ہزار 908 رپورٹ ہوئے ہیں۔

اٹلی میں کورونا وائرس سے کُل اموات کی تعداد 60 ہزار 606 ہو گئی جبکہ اس کے کل متاثرین 17 لاکھ 42 ہزار 606 ہو گئے۔

برطانیہ میں کورونا وائرس کے  مریضوں  اور اس سے اموات دوبارہ تیزی بڑھنے لگیں، یہاں اس سے اموات 61 ہزار 434 تک جا پہنچی ہیں جبکہ کورونا متاثرین 17 لاکھ 37 ہزار 960 ہو چکے ہیں۔

اسپین میں کورونا وائرس کی وباء سے اموات 46 ہزار 646 ہو گئیں جبکہ اب تک اس کے 17لاکھ 15 ہزار 700 مصدقہ متاثرین سامنے آئے ہیں۔

ارجنٹینا میں کورونا وائرس 39 ہزار 888 زندگیاں نگِل چکا ہے، جبکہ اب تک اس کے 14 لاکھ 66 ہزار 309 متاثرین  رپورٹ ہوئے ہیں۔

کولومبیا اس فہرست میں 10 ویں نمبر پر ہے جہاں کورونا وائرس سے اموات کی تعداد 37 ہزار 995 ہوگئی جبکہ کورونا مریضوں کی تعداد 13 لاکھ 77 ہزار 100 ہو چکی ہے۔