کورونا کی عالمی وبا:اموات کی تعداد 7 لاکھ 38 ہزارسے تجاوز کر گئی

دنیا بھر میں کورونا متاثرین کی تعداد 2 کروڑ 2 لاکھ سے تجاوز کر گئی ہے۔
اب تک دنیا بھر میں کرونا وائرس سے ہونے والی اموات کی تعداد 7 لاکھ 38 ہزار 965 ہوچکی ہے جبکہ 1 کروڑ 30 لاکھ سے زائد کورونا کے مریض صحتیاب ہو چکے ہیں۔
کورونا وائرس کے واقعات اور اموات کے لحاظ سے امریکہ سب سے زیادہ متاثر ہے، جہاں اب تک کرونا وائرس سے 1 لاکھ 66 ہزار 44 اموات ہوچکی ہیں۔
امریکہ میں کورونا وائرس کے 23 لاکھ 90 ہزار سے زائد فعال مریض ہیں جبکہ 17 ہزار سے زائد زیر علاج مریضوں کی حالت تشویشناک ہے۔
دوسرے نمبر پر برازیل ہے جہاں  وائرس کے اب تک 30 لاکھ سے زائد واقعات رپورٹ ہوچکے ہیں جبکہ اموات 1 لاکھ 1 ہزار 752 ہوگئی ہیں۔
بھارت کرونا وائرس کیسز کے لحاظ سے دنیا بھر میں تیسرے نمبر پر ہے، بھارت میں اب تک 22 لاکھ 67 ہزار سے زائد  واقعات سامنے آچکے ہیں جبکہ کورونا وائرس سے ہلاکتوں کی تعداد 45 ہزار 353 ہوچکی ہے۔
کورونا وائرس  کے حوالے سے روس اور جنوبی افریقہ بالترتیب چوتھے اور پانچویں نمبر پر ہیں، وبا کے آغاز میں سب سے زیادہ متاثر ملک اٹلی میں کئی روز سے کورونا وائرس کا کوئی مریض  درج نہیں  ہوا۔
دوسری جانب چین میں ایک بار پھر کورونا وائرس سر اٹھاتا دکھائی دے رہا ہے، گزشتہ 24 گھنٹوں میں چین میں 44 نئے واقعات رپورٹ ہوئے ہیں۔