"کووڈ-19 کی وبا"دنیا بھر میں 3 لاکھ93 ہزار سے زائد اموات،67 لاکھ34 ہزار متاثر

کو وِڈ -19 کی عالمگیر وبا 213 ممالک کو لپیٹ میں لے چکی ہے، وبا میں ہلاک ہونے والوں کی تعداد بڑھ کر 3 لاکھ 93 ہزار 750 سے زائد ہو گئی ہے،جبکہ  وائرس سے اب تک 67 لاکھ 34 ہزار سے زیادہ افراد متاثر ہو چکے ہیں۔
خبر کے مطابق ،گزشتہ چوبیس گھنٹوں میں دنیا بھر میں 5 ہزار 500 افراد وائرس سے ہلاک ہو چکے ہیں جب کہ 1 لاکھ 30 ہزار سے زائد نئے واقعات سامنے آئے، وائرس سے اب تک 32 لاکھ 73ہزار سے زائد مریض صحت یاب ہو چکے ہیں۔
کورونا وائرس سے امریکہ سب سے زیادہ متاثرہ ملک ہے، گزشتہ چوبیس گھنٹوں کے دوران امریکا میں 1,031 اموات ہوئیں، جس سے امریکا میں کرونا ہلاکتوں کی تعداد 110,173 ہو گئی ہے، جب کہ 19 لاکھ 24 ہزار سے زائد افراد وائرس کا شکار ہو چکے ہیں۔ امریکا میں گزشتہ چوبیس گھنٹوں کے دوران مزید 22 ہزار سے زائد نئے کیسز سامنے آئے۔ کو وِڈ نائنٹین سے متاثر 7 لاکھ 12 ہزار سے زائد مریض صحت یاب ہو چکے ہیں، تاہم اب بھی 17 ہزار مریضوں کی حالت تشویش ناک ہے۔ امریکا میں نیویارک شہر سب سے زیادہ متاثر ہوا جہاں 30,281 ہلاکتیں ہوئیں اور3 لاکھ 83 ہزار سے زائد لوگ متاثر ہوئے۔
برطانیہ ہلاکتوں میں دوسرا سر فہرست ملک ہے، گزشتہ چوبیس گھنٹوں کے دوران 176 نئی اموات کے بعد برطانیہ میں مجموعی اموات 39,904 ہو گئی ہیں، جب کہ متاثرہ افراد کی تعداد بھی 2 لاکھ 81 ہزار سے بڑھ گئی ہے، برطانیہ نے تاحال صحت یاب ہونے والے مریضوں کا ڈیٹا جاری نہیں کیا۔
برازیل وہ ملک ہے جہاں کرونا سے ہلاکتوں میں اضافہ یورپ میں ہلاکتیں کم ہونے کے بعد ہوا، اور اب اس نے ہلاکتوں میں فرانس اور اسپین کے بعد اٹلی کو بھی پیچھے چھوڑ دیا ہے۔ برازیل ہلاکتوں کی تعداد میں تیسرا ملک بن چکا ہے، جہاں ہلاکتیں بڑھ کر 34,039 ہو گئی ہیں، جب کہ متاثرہ افراد کی تعداد بھی 6 لاکھ 15 ہزار سے زائد ہو گئی ہے۔ گزشتہ چوبیس گھنٹوں کے دوران برازیل میں 1,492 ہلاکتیں ہوئیں۔
یورپی ملک اٹلی چوتھا ملک ہے جہاں وائرس سے بے پناہ ہلاکتیں ہوئیں، اب تک یہ وائرس اٹلی میں 33,689 انسانوں کی جانیں لے چکا ہے، اور 2 لاکھ 34 ہزار سے زائد لوگ وائرس سے متاثر ہوئے، جن میں سے 1 لاکھ 61 ہزار مریض صحت یاب ہوئے، اور 400 کے قریب مریضوں کی حالت تشویش ناک ہے۔ اٹلی میں گزشتہ چوبیس گھنٹوں کے دوران 88 اموات ہوئیں۔
فرانس اور اسپین بھی شدید متاثرہ ممالک میں سر فہرست ہیں، فرانس میں ہلاکتیں 29,065 ہو چکی ہیں اور مجموعی کیسز کی تعداد 1 لاکھ 52 ہزار سے تجاوز کر گئی ہے۔ اسپین میں 27,133 افراد وائرس کا شکار ہو کر مرچکے ہیں جب کہ مریضوں کی تعداد 2 لاکھ 87 ہزار سے زائد ہو چکی ہے۔
میکسیکو میں 12,545 مریض، بیلجیئم میں 9,548، جرمنی میں وائرس سے 8,736 مریض، کینیڈا میں 7,637 مریض، انڈیا میں 6,363، نیدرلینڈز میں 5,990 افراد، روس میں 5,384، پیرو میں 5,031، سوئیڈن میں 4,562، ایکواڈور میں 3,486، سوئٹزرلینڈ میں 1,921، آئرلینڈ میں 1,664، پرتگال میں 1,455، رومانیا میں 1,305، پولینڈ میں 1,117، چلی میں 1,356جب کہ کولومبیا میں 1,087 کرونا مریض ، امریکا، برازیل اور میکسیکو میں 1000 سے زائد مریض ہلاک ہوئے۔