عریاں تصویر ہٹانے پر فیس بک کے خلاف مقدمہ

فرانسیسی عدالت نے سوشل ویب سائٹ فیس بک پر آزادی اظہار کی خلاف ورزی کا مقدمہ چلانے کا حکم دیا ہے ۔
یہ مقدمہ اکیس مئی سے شروع ہوگا۔
اپنا نام ظاہر نہ کرنے والے مدعی نے  انیسویں صدی کے مصور گوسٹاف کوبرٹ کی بنائی گئی عریاں تصویر فیس بک پر رکھ دی تھی جس کے اکاونٹ کو فیس بک کے حکام نے بند کر دیا تھا ۔
اس جواز میں مدعی نے آزادی اظہار کی خلاف ورزی کرنے پر فیس بک پر مقدمہ دائر کر دیا ۔
فیس بک کی وکیل کیرولین لیاناز نے کہا ہے کہ اس مقدمے کی کاروائی امریکی قوانین کے مطابق ہونا ضروری ہے ۔
جس کے جواب میں مدعی کے وکیل نے زور دیا ہے کہ میرے موکل کی درخواست فرانسیسی قوانین کے زمرے میں آتی ہے ۔
فرانس کے وزیر داخلہ برنارڈ کازینیو نے گزشتہ ماہ دور امریکہ کے دوران انٹر نیٹ جرائم کی روک تھام کےلیے ٹھوس اقدامات اٹھانے کے لیے فیس بک کے عہدے داروں سے بھی ملاقات کی تھی ۔