ترکی یورپ کو روبوٹک جراحی سکھا رہا ہے

ترکی یورپ کو روبوٹک جراحی سکھا رہا ہے۔
ترکی میں روبوٹک جراحی کی مدد سے متعدد کامیاب آپریشن کرنے والے جراح اپنی مہارت کو گرد وپیش کے ممالک ے ساتھ ساتھ یورپ کو بھی سکھا رہے ہیں۔
آجی بادیم یونیورسٹی کے یورولوجی ڈپارٹمنٹ کے کوآرڈینیٹر پروفیسر ڈاکٹر علی رضا کُرال نے اسپین سے آنے والے 80 یرولوجی ماہرین کے لئے ایک سیمینار کا اہتمام کیا۔
سیمینار کے بارے میں معلومات فراہم کرتے ہوئے ڈاکٹر کُرال نے کہا کہ 3 سال سے اسپین کی طرف سے ایک روزہ سیمینار طلب کئے جا رہے ہیں۔
اس سلسلے میں سال 2013 میں پہلا اجلاس منعقد کیا گیا جس میں روبوٹک آپریشن ،پروسٹیٹ کینسر کے علاج اور یورینری انکانٹیننس کے آپریشنوں کے بارے میں تھیوری معلومات فراہم کی گئیں۔
ڈاکٹر کرال نے کہا کہ ان اجلاسوں کا ترکی میں منعقد ہونا قابل فخر بات ہے اور ترکی میں روبوٹک آپریشنوں کی مہارت کا اعتراف یورپ اور دنیا بھر میں کیا جاتا ہے۔
انہوں نے کہا کہ ترکی میں "ڈاونچی" روبوٹ کی مدد سے کئے گئے ایک ہزار 300آپریشنوں میں سے ایک ہزار 100 پروسٹیٹ کینسر کے جبکہ 200 دیگر یورولوجی آپریشن تھے۔
ڈاکٹر علی رضا کرال نے کہا کہ ترکی میں طب کی خدمات اور تعلیم کی سطح بتدریج بلند ہو رہی ہے ، ہم نے ہمسایہ ممالک میں بھی خدمات دینا شروع کر دی ہیں۔
انہوں نے کہا کہ "ترکی کے متعدد پرائیویٹ ہوں یا سرکاری مراکز میں طبی خدمات کے معیار کو بہت زیادہ بلند کیا گیا ہے جو بیرونی ممالک سے صرف مریضوں کی آمد میں ہی نہیں تربیتی سیمیناروں کی طلب میں بھی ا ضافے کا سبب بن رہا ہے"۔