پاکستان: ترکی کے ادارے TIKA کی طرف سے پاکستان میں واٹر ٹریٹمنٹ پلانٹ کا افتتاح
پلانٹ پانی کی صفائی میں محفوظ ترین قبول کئے جانے والے ریورس اوسموسیس سسٹم کے ذریعے پانی کو صاف کرے گا
ترکی کی تعاون و ترقیاتی ایجنسی ڈائریکٹریٹ TIKA کی طرف سے پاکستان میں واٹر ٹریٹمنٹ پلانٹ کا افتتاح کیا گیا ہے۔
ملک کے سب سے بڑے شہر کراچی میں TIKA اور الخدمت وقف کے تعاون سے کھولے گئے اس پلانٹ کی افتتاحی تقریب میں ترکی کے وزیر برائےسیاحت و ثقافت کے مشیر کامل کولاباش ، کراچی میں TIKA کے کوآرڈینیٹر ابراہیم کاترجی اور الخدمت وقف کے نمائندوں نے شرکت کی۔
یہ پلانٹ پانی کی صفائی میں محفوظ ترین قبول کئے جانے والے ریورس اوسموسیس سسٹم کے ذریعے پانی کو صاف کرے گا۔
واضح رہے کہ پاکستان کی تقریباً 210 ملین آبادی میں سے 21 ملین انسانوں کو پینے کے صاف پانی میسر نہیں ہے۔ اس واٹر پلانٹ کی مدد سے فی گھنٹہ 2 ہزار لیٹر پانی کو پینے کے قابل بنا کر ایک ملین کے قریب انسانوں کو فراہم کیا جائے گا۔
واضح رہے کہ TIKA اس سے قبل بھی پاکستان میں 3 ریورس اوسموسیس واٹر پلانٹ لگا چکی ہے جن میں سے ایک سولر انرجی سے چلتا ہے۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے