خیبرپختونخوا میں بم دہماکے سے 30 افراد جان بحق
سیکیورٹی ذرائع کے مطابق لوئر اورکزئی کے علاقے کلایا بازار میں مقامی مدرسے کے گیٹ کے سامنے زور دار دھماکا ہوا جس کی آواز دور دور تک سنی گئی
لوئر اورکزئی کے علاقے کلایا بازار میں ہونے والے ریموٹ کنٹرول بم دھماکے کے نتیجے میں 30 افراد جاں بحق اور 40 زخمی ہوگئے۔
سیکیورٹی ذرائع کے مطابق لوئر اورکزئی کے علاقے کلایا بازار میں مقامی مدرسے کے گیٹ کے سامنے زور دار دھماکا ہوا جس کی آواز دور دور تک سنی گئی۔
ابتدائی اطلاعات کے مطابق دھماکہ لوئر اورکزئی کے علاقے کلایا بازار میں ہوا ہے، علاقے میں جمعہ منڈی کا بازار لگا ہوا تھا۔
ضلعی انتظامیہ کا کہنا ہے کہ جاں بحق ہونے والے افراد کی تعداد 30 ہوگئی ہے جن میں 3 بچے بھی شامل ہیں۔ سیکیورٹی ذرائع کے مطابق معمولی زخمیوں اور لاشوں کو کلایا ہیڈ کوارٹر اسپتال منقل کیا گیا ہے۔
کئی زخمیوں کی حالت تشویشناک بتائی جارہی ہے جنہیں کوہاٹ منتقل کیا جارہا ہے۔ اموات میں اضافے کا خدشہ بھی ظاہر کیا جارہا ہے۔
سیکیورٹی ذرائع نے دھماکے کے نتیجے میں 30 افراد کے جاں بحق ہونے کی تصدیق کی ہے جبکہ 40 افراد زخمی ہیں۔
زخمیوں میں سے بیشتر کی حالت تشویشناک بتائی گئی، جنہیں طبی امداد کے لیے کوہاٹ اور پشاور کے اسپتالوں میں منتقل کیا گیا۔
مقامی انتظامیہ کے مطابق دھماکا پلانٹڈ تھا اور بارودی مواد کو ایک موٹرسائیکل میں نصب کیا گیا تھا۔
دھماکا اس قدر شدید تھا کہ قریب کھڑی گاڑیوں کے شیشے بھی ٹوٹ گئے۔
سیکیورٹی ذرائع کے مطابق دھماکے میں 8 کلوگرام کے قریب دھماکا خیز مواد استعمال کیا گیا۔
دھماکے کے بعد سیکیورٹی اہلکاروں نے جائے وقوع سے شواہد اکٹھے کرکے سرچ آپریشن شروع کردیا۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے