وزیر اعظم شاہد خاقان عباسی کی سابق وزیر اعظم محمد نواز شریف سے ملاقات

وزیر اعظم شاہد خاقان عباسی نے سابق وزیر اعظم محمدنواز شریف سے منگل کو جاتی امراءلاہور میں ملاقات کی ۔ وزیر اعظم آفس کی جانب سے جاری بیان کے مطابق ملاقات میں وزیر اعلیٰ پنجاب محمد شبہاز شریف اور وزیرخزانہ محمد اسحاق ڈار بھی موجود تھے ۔ملاقات کے دوران قومی اہمیت کے وسیع تر امور اور مجموعی صورتحال پر تبادلہ خیال ہوا۔ ترقیاتی ایجنڈے کو جاری رکھنے کے لئے حکومت کی کاوشوں پر بھی بات چیت ہوئی ۔

دریں اثنا وزیراعظم شاہد خاقان عباسی سعودی عرب کے پہلے دورے پرروانہ ہوگئے۔ وزیرخارجہ خواجہ آصف اوروزیرخزانہ اسحاق ڈاربھی وزیراعظم کے ہمراہ ہیں۔ وزیراعظم شاہد خاقان عباسی مدینہ منورہ جا رہے ہیں جہاں وہ روضہ رسول پر حاضری دیں گے۔

وزیراعظم کی مدینہ منورہ میں سعودی کراؤن پرنس سے ملاقات طے کی جا رہی ہے، ملاقا ت میں خطے کی صورتحال پرتبادلہ خیال کیا جائے گا۔