پاک فوج کے شہدا کو خراج تحسین

پاک آرمی چیف جنرل قمر جاوید باجوہ  نے کہا ہے کہ وطن کے دفاع کے لیے جانیں قربان کرنے والے شہداء اور ان کے اہل خانہ کو پاک فوج  ہر گز فراموش نہیں کرے گی۔

پاک فوج کے شعبہ تعلقات عامہ (آئی ایس پی آر) کے مطابق  ایبٹ آباد میں 2روزہ خصوصی بلوچ رجمنٹ کانفرنس   منعقد کی جا رہی ہے ، کانفرنس کے پہلے روز آرمی چیف جنرل قمرجاوید باجوہ اور کمانڈر 10 کور لیفٹیننٹ جنرل ندیم رضا سمیت سابق آرمی چیف اشفاق پرویز کیانی سمیت کئی ریٹائرجرنیلوں نے شرکت کی، آرمی چیف نے یادگار شہداء پر پھول چڑھائے اور فاتحہ خوانی کی۔  بعد میں  آرمی چیف جنرل قمر جاوید باجوہ کو کرنل انچیف کے رینک بھی لگائے گئے۔

اس موقع پر جنرل قمر باجوہ  نے اظہار خیال کرتے ہوئے کہا کہ" ملکی دفاع میں بلوچ رجمنٹ کا اہم کردار ہم  سب کے لیے  باعث ِ فخر ہے،  اس کی قربانیاں  قابل قدر ہیں۔ ہم  ملکی دفاع کے لیے اپنی جانوں کا نذرانہ پیش کرنے والے  شہداء اور ان کے اہل خانہ کو کبھی نہیں بھولیں گے، پاک فوج  دہشت گردی کے خاتمہ اور سرحدوں کے تحفظ کو یقینی بنائیں گی۔