ایم کیو ایم کے سربراہ سمیت 20 عہدیداروں کے وارنٹ گرفتاری جاری

ایم کیو ایم قائد الطاف حسین سمیت 20 رہنماؤں کے خلاف اشتعال انگیز تقریروں کے حوالے سے دائر کردہ مقدمے کی روسے ایک بار پھر وارنٹ گرفتاری جاری کر دیئے گئے ہیں۔

ایم کیو ایم قائد کی اشتعال انگیز تقاریر اور انھیں سہولتیں فراہم کرنے سے متعلق مقدمے کی سماعت انسداد دہشت گردی کی عدالت میں ہوئی ۔اس موقع پر پولیس حکام کی جانب سے 8 مقدمات میں چالان پیش نہ کرنے پر عدالت نے سخت برہمی کا اظہار کیا اور پولیس افسر کو نوٹس جاری کرتے ہوئے آئندہ سماعت پر چالان پیش کرنے کا حکم دیا۔

عدالت نے پولیس حکام کو حکم دیا کہ 7 مئی کو تمام مفرور ملزمان کو گرفتار کر کے آئندہ سماعت پر پیش کیا جائے۔