وزیراعظم نواز شریف کی بھارتی ہم منصب مودی کے ساتھ ملاقات
وزیراعظم نواز شریف اور بھارتی ہم منصب نریندر مودی کے درمیان پیرس میں غیررسمی ملاقات ہوئی ہے۔
395923
وزیراعظم نواز شریف اور بھارتی ہم منصب نریندر مودی کے درمیان پیرس میں غیررسمی ملاقات ہوئی ہے۔
دونوں ممالک کے وزرائے اعظم عالمی ماحولیاتی کانفرنس میں شرکت کے لئے پیرس میں موجود ہیں جب کہ اس موقع پر وزیراعظم نواز شریف اور نریندر مودی کے درمیان غیررسمی ملاقات ہوئی اور ایک صوفے پر بیٹھ کر دونوں وزرائے اعظم نے خوشگوار موڈ میں بات چیت کی۔ سیاسی مبصرین کے مطابق دونوں رہنماؤں کے درمیان ہونے والی ملاقات میں گرمجوشی دیکھی گئی جس کا اثر دونوں ممالک کے تعلقات پر پڑنے کا امکان ہے۔
واضح رہے کہ پیرس میں آج سے شروع ہونے والی عالمی ماحولیاتی کانفرنس میں دنیا بھر سے 150 سربراہان مملکت و نمائندگان شرکت کر رہے ہیں۔
