دہشت گردی کے خاتمے کے لیے جاری آپریشن میں کامیابی

پاک فوج کے سربراہ جنرل راحیل شریف نے دہشت گردی کے خلاف انٹیلی جنس معلومات پرکاروائیوں اور آپریشنز میں کامیابوں پر اطمینان کا اظہار کیا۔
پاک فوج کے شعبہ تعلقات عامہ کے مطابق آرمی چیف جنرل راحیل شریف کی زیرصدارت کورکمانڈر کانفرنس ہوئی جس میں ملک کی داخلی صورتحال کا جائزہ لیا گیا جب کہ کانفرنس میں نیشنل ایکشن پلان پر عمل درآمد پر پیشرفت اور آرمی چیف کے دورہ امریکہ پر بھی غور کیا گیا۔ ترجمان نے کہا کہ پاک فوج کے سربراہ نے دہشت گردی کے خلاف انٹیلی جنس معلومات پرکاروائیوں اور آپریشنز میں کامیابوں پر اطمینان کا اظہار کیا۔
آرمی چیف نے کہا کہ شدت پسندی اور دہشت گردی کے خاتمے کے لیے جاری آپریشن میں قوم کی حمایت حاصل ہے تاہم عوامی حمایت کے ساتھ دیرپا اور پائیدارامن یقینی بنانے کے لیے بہتر گورننس کی بھی ضرورت ہے۔
واضح رہے آرمی چیف جنرل راحیل شریف 15 سے 20 نومبر تک امریکا کا دورہ کریں گے۔