نواز شریف کی صدر سے ملاقات، ملکی سلامتی کی صورت حال پرغور

وزیراعظم نواز شریف نے صدر مملکت ممنون حسین سے ایوان صدر میں ملاقات کی جس میں قومی امور سمیت ملکی سلامتی کی صورت حال پر تبادلہ خیال کیا گیا۔
صدرممنون حسین اور وزیراعظم نوازشریف کے درمیان ہونے والی ملاقات میں قومی اموراور ملکی سلامتی کی صورت حال کے علاوہ آپریشن ضرب غضب اورکراچی آپریشن پرتبادلہ خیال کیا گیا۔ صدرممنون حسین نے وزیراعظم اوران کی اقتصادی ٹیم کی پالیسیوں پراطمینان کا اظہارک رتے ہوئے کہا کہ ملک کی معیشت بہترہورہی ہے لیکن حکومت صحت اور تعلیم کے شعبوں پر بھی خصوصی توجہ دے تاکہ عوام کا معیار زندگی بہترہو سکے ۔ انھوں نے امید کا اظہار کیا کہ حکومت معیشت کی بہتری کے لئے مزید اقدامات کرے گی اور ملک میں دہشت گردی اوربد امنی کے مکمل خاتمے تک کاروائیاں جاری رکھی جائیں گی۔