ایم کیو ایم کا قومی اسمبلی کے اجلاس میں شرکت کرنے کا فیصلہ

متحدہ قومی موومنٹ نے قومی اسمبلی اور سینٹ کے اجلاس سوں میں شرکت کرنے کا فیصلہ کیا ہے۔
حکومت اور متحدہ قومی موومنٹ کے درمیان جاری مذاکرات نتیجہ خیز ثابت ہوئے ہیں جس کے بعد ایم کیوایم نے قومی اسمبلی کے اجلاس میں شرکت کا فیصلہ کیا ہے۔
حکومتی یقین دہانی کے بعد ایم کیوایم کی جانب سے قومی اسمبلی کے اجلاس میں شرکت کا فیصلہ کیا گیا ہے۔ ذرائع کے مطابق وفاقی حکومت کا کہنا ہےکہ ایم کیوایم کے ساتھ جو معاملات طے ہوئے وہ سب پورے کیے جائیں گے۔
ذرائع نے بتایا کہ ایم کیوایم نے ازالہ کمیٹی کے قیام پر پہلے مرحلے میں سینیٹ سے استعفے واپس لیے اور اب دوسرے مرحلے میں قومی اسمبلی سے استعفے واپس لیے جائیں گے اور اجلاس میں شرکت کی جائے گی، ایم کیوایم کے اراکین قومی اسمبلی کے 6 نومبر کو ہونے والے اجلاس میں شرکت کریں گے۔ ذرائع نے مزید بتایا کہ ایم کیوایم کے مطالبات پورے ہونے پر تیسرے مرحلے میں سندھ اسمبلی سے دیئے گئے استعفے واپس لیے جائیں گے۔