پولیس کی کاروائی 3، خواتین سمیت 9 دہشت گرد گرفتار

پولیس اور حساس اداروں نے حیدر آباد کے مختلف علاقوں میں کاروائی کر کے 3 خواتین سمیت 9 دہشت گردوں کو گرفتار کر لیا لیا ہے ۔
پولیس اور حساس اداروں کے اہلکاروں نے حیدر آباد میں تھانہ بی سیکشن کے علاقے یونٹ نمبر10 جب کہ دوسری تھانہ حسین آباد کے علاقے یونٹ نمبر 4 میں ایک پانی صاف کرنے والے نجی فلٹر پلانٹ پرچھاپہ مار کاروائی کی۔
پولیس نے کاروائیوں کے دوران 3 خواتین سمیت 9 افراد کو گرفتار کر لیا ہے ۔ حراست میں لیے جانے والے کسی بھی فرد کا تعلق سندھ سے نہیں ہے ۔ دہشت گردوں کے قبضے سے دھماکا خیز مواد اور بال بیرنگ کے ساتھ دہشت گردی میں استعمال ہونے والے مواد سے بھرے 35 ڈرم، خود کش جیکٹس اور بھاری مقداد میں جدید اسلحہ بھی برآمد ہوا ہے ۔
پولیس حکام کا کہنا ہے کہ قبضے میں لئے گئے دھماکا خیز مواد سے پورے حیدرآباد میں تباہی پھیلائی جا سکتی تھی۔