بس ڈرائیور کا بیٹا وزیر بن گیا

برطانیہ کے عام تعلیمی اداروں میں تعلیم حاصل کرنے والے پاکستانی بس ڈرائیور کے بیٹے ساجد جاوید نے برطانوی سیاست میں نمایاں مقام حاصل کرلیا ہے ۔وزیر بننے والے ساجد جاوید کاان دنوں برطانوی میڈیا میں خوب چرچا ہے ۔ لنکا شائر میں پیدا ہونے والے ساجد جاوید کے والد جاوید ایک بس ڈرائیور تھے ۔ ساجد جاوید نے برطانیہ کے عام تعلیمی اداروں میں تعلیم حاصل کی ہے لیکن اس کے باوجود انھوں نے برطانوی سیاست میں نمایاں مقام حاصل کیا ہے ۔ بیس سال کی عمر میں ساجد جاوید نے کنزرویٹو پارٹی کے پہلے اجلاس میں شرکت کی اور اپنی قائدانہ صلاحیتوں کا بھرپور اظہار کیا۔ پچیس سال کی عمر میں انہوں نے ایک امریکی بینک میں ملازمت اختیار کی اور اس کی تاریخ کے کم عمر ترین نائب صدر بنے ۔ 2010 کے عام انتخابات میں انہوں نے فتح حاصل کی اور کنزرویٹو پارٹی کی جانب سے پہلے پاکستانی نژاد رکن پارلیمنٹ منتخب ہوئے ۔ سیاسی وژن سے مالا مال ساجد جاوید کو 2010 سے 2015 تک مختلف وزارتوں پر کام کرنے کا موقع ملا۔ 2012 میں وزیر اقتصادیات جبکہ 2013 میں وزارت خزانہ کے سیکرٹری مالیات رہے ۔ کے طور پر فرائض سرانجام دئیے۔ وہ 2014 سے 2015 تک برطانیہ کے وزیر ثقافت میڈیا اور کھیل بھی رہ چکے ہیں۔