عمران خان کا اسلام آباد دھرنے کے خاتمے کا اعلان
چیئرمین تحریک انصاف عمران خان کا اسلام آباد دھرنے کے خاتمے کا اعلان کرتے ہوئے کہا کہ سکول حملے کے بعد پشاور گیا اور ہسپتال میں زخمی بچوں کی عیادت کی۔ بچوں کو منصوبہ بندی کرکے مارنا زندگی میں پہلی بار دیکھا۔ وزیراعظم نواز شریف نے جب مجھے دعوت دی تو میں نے ایک لمحے کیلئے سوچا کہ میں قومی پارلیمانی پارٹیوں کے اجلاس میں نہ جا¬ؤ ں لیکن پھر سوچا کہ ملک کو اس وقت اتحاد کی ضرورت ہے۔ سانحہ پشاور کے بعد ملک کو اتحاد کی اشد ضرورت ہے۔ عمران خان کا کہنا تھا کہ ہم نے صرف حکومت سے 2013ء کے انتخابات میں دھاندلی کی تحقیقات کیلئے جوڈیشل کمشن کے قیام کا مطالبہ کیا ہے۔ ہمیں پوری امید ہے کہ نواز شریف ہمارے مطالبے پر فوری طور پر جوڈیشل کمشن کا قیام عمل میں لائیں گے۔ اگر حکومت نے ہمارا مطالبہ تسلیم نہ کیا تو ہم پھر سڑکوں پر نکل آئیں گے اور انصاف کے حصول سے پیچھے نہیں ہٹیں گے۔ ان کا کہنا تھا کہ ملک میں حقیقی جمہوریت کیلئے صاف اور شفاف انتخابات کی ضرورت ہے۔ واضع رہے کہ تحریک انصاف کا اسلام دھرنا 126 دن تک جاری رہا۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے