نواز شریف کے ملکی سیاسی صورتِ حال سے متعلق اپنے رفقا سے مشاورت

پاکستان کے وزیراعظم نواز شریف نے حکومتی امور پر مشاورت اور موجودہ سیاسی صورتحال پر مشاورت کے لئے سیاسی رفقا کو اسلام آباد طلب کرلیا ہے۔
اپنے رفقا کے ساتھ ہونے والے مذاکرات میں ملکی سیاسی بحران خاص طور پر عوامی تحریک کے دھرنے کے خاتمے کے بارے میں بات چیت کی جائے گی۔ وزیراعظم سے جماعت اسلامی کے امیر سراج الحق بھی ملاقات کریں گے اور عوامی تحریک کے دھرنے سے متعلق گفتگو کریں گے۔
اجلاس میں عوامی تحریک کے دھرنے سے متعلق معاملات طے پا جانے کا امکان ہے۔ اجلاس میں عوامی تحریک کو دھرنے کے بجائے جلسوں تک آمادہ کرنے کی پالیسی پر غور کیا جائے گا۔
واضح رہے کہ اسلام آباد میں گزشتہ 2 ماہ سے جاری تحریک انصاف اور عوامی تحریک کے دھرنوں کے باعث سیاسی حلقوں کی جانب سے حکومتی کارکردگی کو تنقید کا نشانہ بنایاجارہا ہے۔