خطرناک دہشت گرد عدنان رشید کو شمالی وزیرستان سے گرفتار کرلیا گیا

شمالی وزیرستان میں جاری فوجی آپریشن " ضربِ عضب" کے دوران علاقے کے سب سے بڑے دہشت گرد عدنان رشید کو زخمی حالت میں گرفتار کرلیا گیا ہے۔
عدنان رشید نے سابق صدر پرویز مشرف پر بھی حملہ کیا تھا اور کراچی کے ہوائی اڈے پر دونوں بار ہونے والے حملے کے دوران اس نے ماسٹر مائنڈ کا کردارا دا کیا تھا۔
اطلاع کے مطابق پاکستانی فوج کی جانب سے شمالی وزیرستان میں دہشت گردوں کے خلاف آپریشن کے اعلان کے بعد عدنان رشید اپنے خاندان کے ہمراہ جنوبی وزیرستان کے سرحدی علاقے وانا منتقل ہوگیا تھا جہاں سیکیورٹی فورسز نے اس کے خلاف کارروائی کی اوراس دوران مزاحمت پر عدنان رشید اہلکاروں کی فائرنگ سے زخمی ہوگیا اور اسے اسی حالت میں گرفتار کرلیا گیا۔
واضح رہے کہ عدنان رشید کو 2004 میں سابق صدر پرویز مشرف پر حملے کے الزام میں گرفتار کیا گیا تھا جس کے بعد اسے 2005 میں موت کی سزا سنائی گئی تاہم سزا پر عملدرآمد نہ ہوسکا جس کا فائدہ اٹھاتے ہوئے طالبان 2012 میں بنوں جیل پر حملہ کرکے عدنان رشید سمیت تقریباً 400 قیدیوں کو چھڑانے میں کامیاب ہوگئے تھے۔
علاقے کی پولیٹکل انٹامیہ نے بھی عدنان رشید کی گرفتاری کی خبر کی تصدیق کی ہے۔عدنان رشید کے ساتھ اس کے تین قریبی ساتھیوں کو بھی گرفتار کرلیا گیا ہے۔
اڈحر تحریک طالبان پاکستان نے بھی عدنان رشید کی گرفتاری کی خبر کی تصدیق کردی ہے۔
آپریشن ضربِ عضب کے آغاز سے لے کر یہ اب تک علاقے میں سب سے بڑی کامیابی کی حیثیت رکھتی ہے۔