وفاقی حکومت کا عمران خان اور طاہر القادری سے رابطہ
وفاقی حکومت نے چودہ اگست کے لانگ مارچ کو روکنے اور ملک میں افرا تفری سے بچنے کے لیے ان دونوں جماعتوں کے رہنماوں سے بات چیت کرنے کا فیصلہ کیا ہے۔ وفاقی حکومت نے اس سلسلے میں اپنے سیاسی رابطہ کار متعین کردیا
پاکستان کی وفاقی حکومت نے تحریک انصاف اورعوامی تحریک کی قیادت سے ملکی مسائل پر بات چیت کرنے کے لیےمذاکرات شروع کرنے کا فیصلہ کیا ہے۔
وفاقی حکومت نے چودہ اگست کے لانگ مارچ کو روکنے اور ملک میں افترا تفری سے بچنے کے لیے ان دونوں جماعتوں کے رہنماوں سے بات چیت کرنے کا فیصلہ کیا ہے۔
وفاقی حکومت نے اس سلسلے میں اپنے سیاسی رابطہ کار کو فوری طور پر ان دونوں جماعتوں کے رہنماوں سے بات چیت شروع کرنےکے لیے سگنل دے یا ہے۔
سیاسی رابطہ کار نے ان دونوں جماعتوں کے رہنماوں سے موجودہ حالات میں انقلابی مارچ یا آزادی مارچ نہ کرنے کی اپیل کی ہے اور کہا ہے کہ کیونکہ اگست کے دوہفتے یوم آزادی کی تقریبات اسلام آبادسمیت ملک بھر میں جاری رہیں گی اور 14اگست کو اسلام آبادمیں یوم آزادی کی مرکزی تقریب پارلیمنٹ ہاوس میں منعقدہوگی اس لیے اس دن کسی ریلی یا احتجاج سے گریز کیا جائے۔
حکومت نے ان جماعتوں کو کہاہے کہ وہ ملک کے وسیع تر مفاد اور موجودہ صورتحال پر اپنے احتجاج کی پالیسی پر نظر ثانی کریں اورڈائیلاگ پالیسی پر عمل کریں کیونکہ حکومت کسی کو جہموری اندازسیاست اور احتجاج سے روکنے پر یقین نہیں رکھتی ہے۔
تحریک انصاف اور عوامی تحریک کے ذرائع کا کہناہے کہ اب تک حکومت کاباضابطہ مذاکراتی پیغام نہیں ملاہے،حکومت سے مذاکرات کرنے یا نہ کرنے کا فیصلہ مرکزی قیادت مشاورت سے چندروز میں کرلیاجائے گا۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے