امریکی صدر کی اسرائیلی وزیر اعظم سے ٹیلی فونک بات چیت

امریکی صدر جو بائیڈن نے اسرائیلی وزیراعظم بنیا مین نتن یاہو سے فون پر بات کی۔

وائٹ ہاؤس کی طرف سے جاری کردہ بیان کے مطابق، دونوں سربراہان  نے اسرائیل اور حماس کے درمیان یرغمالیوں کے تبادلے کے حوالے سے بات چیت کی ہے تو  بائیڈن  کا کہنا ہے کہ وہ تمام اسیروں کی جلد از جلد رہا ئی  کے لیے سخت محنت کریں گے۔

بات چیت کے دوران  جو بائیڈن نے اس بات پر زور دیا کہ اسرائیل، شہریوں کی سلامتی کو یقینی بنانے اور قابل یقین اور قابل عمل منصوبے کے بغیر رفح شہر پر حملہ نہ کرے۔

غزہ پر اپنے حملے اور قبضے  کے دوران   فلسطینیوں کی ایک کثیر تعداد کو قتل کرنے والے  اسرائیل نے  خطے کے شمالی اور  وسطی  علاقوں کی زیادہ تر آبادی کو مصر کی سرحد وں سے متصل  شہر رفح کو نقل مکانی کرنے پر مجبور کیا ہے۔

اسرائیل ان حملوں کے دوران شمال میں  مقیم  عوام کے لیے "محفوظ" قرار دیے گئے جنوبی علاقے پر حملہ کرنے اور  آبادی کو زبردستی  دور ہٹانا چاہتا ہے۔

ایک اندازے کے مطابق 14 لاکھ شہری رفح میں پھنسے ہوئے ہیں۔